昔日東方政情：不滿寫錯國號 何君堯鬧公僕離譜
特首林鄭月娥前日出席行政會議前會見記者，身後布景赫然出現「中國人民共和國」嘅錯誤國號，惹來全城笑談。雖然特首辦對錯誤表示歉意，但部分建制派議員仍然相當不滿。尋日朝早出席立法會工務小組委員會會議嘅議員何君堯，就炮轟「雞乸咁大隻字」都竟然走漏眼，又質疑將來嘅公務員學院嘅訓練水平。
指水平不如小學生
何君堯認為涉事公務員須為事件負上責任，指記者會布景理應經過設計、安裝、監工等，但竟然每個範疇都做得唔好，以至於「雞乸咁大隻字標出嚟，原來都可以錯成咁，冇人睇。」指小學一年班已經教緊中華人民共和國，點會落得筆寫咗「中國人民共和國」呢？「佢寫得出嚟就已經無腦。唔好講話有冇心，但係已經離晒大譜！」何對於現正籌劃中、造價高達45億元嘅公務員學院，亦不無疑問咁話「訓練咗又係咁嘅嘢，咁點算呢？」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
