政情：辭任區議員 林德和呻白交7個月租

林德和喺網上話由佢辭去區議員起計，佢個議辦仲剩低7個月租約，由於議辦位處私人屋苑，之前佢同屋苑嘅租務部職員傾過，想好似其他人咁，將議辦攞嚟做團購、補習社或者社區中心。佢就話咁樣既可以繼續服務社區，又可以每個月賺番千幾蚊，當係幫補吓。

點知因為租務合約寫明個辦事處只可以作區議員相關工作用途，即係話佢失去議席後，個辦事處直接報廢，要白白交埋剩低嗰7個月嘅租金同管理費，盛惠約8萬蚊喎。