政情：逆流而上秘訣 陳家亮：唔怕輸

雖然佢出身基層，但深受70年代一套講述美國拳手堅毅不屈嘅電影影響，佢回想少年時代生活，認為自己同電影主角故事好似，即使冇背景、唔係名校出身，仍要逆流而上。原來佢求學時期會被稱為「燈塔」，都係因為佢經常「開夜車」挑燈夜讀，最後更以一級榮譽佳績畢業。畢業後嘅陳成為腸胃專家，同時更係首位獲委任為中大醫學院院長嘅該校畢業生。

多年堅持教學嘅佢寄語新一代醫生，無論現實有幾困難，但一顆赤子之心，永遠無可取代。佢又話醫生唔係醫病，而係醫人、令病人有信心，彼此要溝通與關懷，即使科技亦絕對替代唔到。