政情：區會工作量爆煲 張錦雄退出28小組

張錦雄喺社交網站分享佢同街坊嘅對話，不過對方竟然係九龍灣嘅街坊，事關當區冇區議員幫手，要跨區搵張求助！張錦雄貼文中提到，依家每接10個個案，就有3個嚟自其他選區。佢不滿政府拒絕進行區議會補選，令到在任區議員要承擔埋辭任區議員嘅地區工作，況且唔係一兩個月頂住先，而係起碼一年喎！

張辯稱話今次決定，只係倣效當區鄉事派只出席大會嘅做法，又指自己少咗時間去開會，唔代表唔做地區工作，反而可騰出更多時間處理個案、見街坊、搞活動。佢又話如果政府舉行補選，佢會一如既往加入番所有委員會、工作小組同督導小組，仲拍心口話會做到99%以上嘅出席率。