昔日東方政情：中大醫院開幕 馮康諗定擴充服務
喺今年初陸續投入服務嘅香港中文大學醫院尋日正式開幕，下個月能夠提供24小時急症室服務同產科服務，今年年底可以提供約120張病床，多數專科亦已涵括。中大醫院行政總裁馮康表示，中大醫院今個月同威爾斯親王醫院達成協議，將為公立醫院病人提供專科門診服務同日間程序，期望先導計劃日後可以擴展至其他人手較緊張嘅醫院聯網，例如新界西聯網咁。
強調聘請醫生無問題
新醫院嘅設備就梗係頂尖啦，但移民潮之下，醫護人手有無受影響呢？馮就話唔清楚整體移民數字，但強調聘請醫生方面無問題。馮康又指公立醫院醫生長期不足，若果有增加醫生嘅途徑，或者引入海外醫生，市民應該會歡迎嘅。另外，中大醫院董事局主席利乾同行政長官都有出席儀式。利乾形容香港醫療系統好似啞鈴咁，淨係得公營同私營醫院，無中間方案，而中大醫院就採用套餐式收費，令病人放心啲。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
