昔日東方迷你倉大火案 副區域經理推翻證供
【本報訊】2016年6月牛頭角淘大工業村時昌迷你倉發生四級大火，導致高級消防隊長張耀升和消防隊目許志傑殉職，死因庭昨續就事件進行死因研訊。前天出庭作供的迷你倉時任副區域經理宋國光接受死因研訊主任盤問時，推翻自己前天的證供，一直反覆強調「可能有啲嘢我真係記錯……我真係唔記得」。宋表示，他只能確認自己在起火當日曾與時任經理黃家晉、技工鍾國傾談，及聽到保安員「強哥」表示大業主恒隆已報警。
指自己或「下意識做咗呢啲」
死因裁判官黃偉權亦不禁問宋：「點解你咁多嘢唔肯定，尋日你可以講到咁肯定，……你有咩困難？」宋只回覆：「我應該話唔肯定」，又指自己可能「下意識做咗呢啲」，便在庭上說出來。裁判官追問：「你下意識定潛意識定有意識做？既然唔肯定，點解唔同法庭講？」宋表示：「係我嘅錯，可能我潛意識係咁樣發生咗。」裁判官遂問「所以你尋日講嗰啲係潛意識嘅嘢？」宋回答：「一場咁嘅火發生咗，都唔知道咁嚴重。」
為時昌提供裝修服務的泰發工程公司老闆王岱作供指，他於2004年初已首次與時昌合作，承接全幢淘大迷你倉裝修工程，但他將電力裝置外判給了有相關牌照的公司，他沒有為出事迷你倉安裝冷氣。王表示時昌當時透過一名「迷你倉專家」買入一批「澳洲料」，並由該專家設計淘大迷你倉1至2樓的間隔，王只負責執行。
至2004年尾，該名專家離開，王依照1、2樓的設計裝修3樓的迷你倉。裁判官對王稱：「你都幾特別，佢叫你咁做就咁做，後果同安全問題你要負責o架喎。」王強調消防曾到涉案迷你倉3樓巡查，但沒指違例。
案件編號：CCDI-333, 334/2016
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
