政情：畢東尼返英搵食 連打兩份兼職

適逢返英生活嘅第二個月，佢話感恩身體逐漸康復，可能係因為每日定時做半個鐘運動，覺得身體比以前更加好。佢嚟緊就快覆診，希望到時有好消息咁話。

佢又提到最近收到船公司通知貨物已經去到港口，但要排隊等清關，搞到佢依家唔夠衫着，着嚟着去都係得嗰幾件冬天衫啊！佢亦提到去到英國，唔係好跟到香港嘅最新發展，不過追番新聞發現都冇乜好嘢，佢又話如果大家覺得佢喺英國有乜嘢可以幫到手，可以隨便吩咐佢喎。