昔日東方政情：保釋有工開 施德來做番老本行
上個月傳出區議員宣誓加辣方案，隨即引發辭職潮，唔少辭咗職嘅泛民主派人士都要搵工，民協前主席施德來都唔例外，最新情況係佢搵到工嘞！要行幾十層樓，估吓係乜嘢工？
施德來因參與民主派35+初選，涉違《港區國安法》被控串謀顛覆國家政權罪，獲保釋候訊。由於佢已經辭咗黃大仙區議員一職，所以都加入咗失業大軍。佢日前喺社交平台貼文，話佢同啲學生哥一樣都開學喇！
之不過，佢唔係上堂，而係開工。佢話以前修讀社工課程，而踏上從政之路係當初眼見社會貧富懸殊問題嚴重，港人居住環境不進反退，而當年佢嘅畢業論文亦以舊區重建為題，希望能夠改善基層市民嘅居住環境，而後來從政都一直關注基層住屋嘅需要。
每星期都行幾十層樓梯
究竟係乜嘢工？佢話回到起點，以任職社工嘅身份繼續關注貧窮議題，喺舊區從事服務基層家庭嘅工作，特別係關注舊區劏房居住問題。佢話呢份工對佢嚟講係新開始，依家每星期都行番幾十層唐樓樓梯，亦係一種磨練喎。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
