政情：林健鋒倡設小組 廣納抗疫民意

林健鋒又提到，現時遲遲未能夠同內地通關，嚴重打擊商界發展，故建議設立商務通道，先同大灣區通關，繼而擴展到北京、上海等地，每星期容許大約2,000名至5,000名已接種兩劑疫苗嘅商界人士往返兩地，亦可加設多項條件，包括限於點對點行程，限制留喺當地嘅日數等。

另一方面，林健鋒認為兩地政府應該提供恩恤安排，容許市民往返兩地處理親人離世事宜，仲應該盡快審批呢類申請添。佢提到早排去診所，有姑娘同佢哭訴媽媽喺內地病重，直至去世都上唔到內地見佢一面，林健鋒話聽到都喊埋一份啊。