昔日東方政情：解決社會痛點 張益麟叫政府積極啲
針對社會痛點，坊間雖有唔少社會企業或公益團體，然而政府嘅角色亦相當重要。扶貧委員會社創基金專責小組委員張益麟認為，依家全球社會面對貧富懸殊、待遇不公及環保等問題，除咗工商界應出一分力，亦希望政府擺脫「積極不干預」思維，繼續做促成者及提出有前瞻性綱領，與業界多溝通，令資源可投放得當，聚焦香港競爭優勢，投撥資源，互補長短。
政策配合創共享效益
張益麟話一個社會可否向前邁進，實有賴多方合作。之不過，講求盈利嘅商業社會，企業做生意多為股東謀取最大利益，往往忽略其他持份者，如員工、供應商、客戶以至企業經營所在地等。如果社企可以幫手再加上政府政策嘅配合，就可以創造共享效益，令更多人受惠。
張又講到，社創基金正引入新嘅「按效益付費」制度，家族基金及慈善基金可捐贈或投資社企項目。張話過去基金捐款後欠缺具體回報，喺新制度下，政府見某社企項目達到社會效益目標，之前曾注資嘅相關基金就可取回投資本金同合理收益。佢強調呢個新制度可以確保有效運用公帑，同時為唔同嘅基金提供誘因，繼續支援各個社企項目。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
