行經海鮮檔 起惻隱之心冀續繁衍 港女買帶籽紅花蟹放生 惹網民熱議

涉事女網民日前在Facebook發文，分享與海鮮檔檔販對話。她指，當日見到兩隻紅花蟹時，「先是起了惻隱之心，然後是不安好心」，故詢問檔販兩蟹是否「有咗」，若放歸大海能否繁殖。對方回應指，放回海中牠們會「散春」，惟須盡快放生。至於該蟹在東龍島捕獲，事主憂牠們放生後未必能「回家」，檔販則回應「蟹唔同人，搵到個窿匿埋就得」。

事主聞言後，遂買下兩隻母蟹放生，而檔販知道後隨即追問，「使唔使買夠6隻？好意頭啲！」她拒絕指「唔使講意頭(O架)，放生係想兩隻蟹生多啲蟹出嚟，將來分幾隻畀我食」。她又稱，她放生蟹隻前，先將牠們身上纏綁的尼龍繩剪去，而其中一隻蟹鬆綁後，舉起一隻蟹鉗，「彷彿在振臂高呼：『我自由了！』」

該貼文引起廣泛熱議，有網民認同及讚揚她有善心，「你已經放咗佢一條生路」。亦有網民指斥，胡亂放生等同殺生，「有春未必已受精，唔同海域未必能生存，所以唔好做放生活動」。