車Cam直擊 男童闖路險遭車撞 母嚇到腳軟

在千鈞一髮之際，的哥及時作出反應，急忙向左扭軚閃避，男童亦見到的士馳至，立刻閃向右邊，最終的士沒有撞及男童。在對面行人路目睹兒子險死還生驚險一刻的母親，疑嚇至「腳軟」蹲在地上哭泣。最後，男童繼續跑過馬路，母親見兒子無恙亦站起來，然後母子拖手離去，影片亦告結束。

事後，上載車Cam片的涉事姓鄧的哥直言，男童「命大加上有運氣」，並叮囑男童母親橫過馬路時，必須緊拖小朋友，並好好教導小朋友過馬路時不要亂衝，更要先眼望兩邊。慶幸今次男童無遇上重型車輛，加上司機無分心，否則後果「好嚴重」，屆時家長「喊都冇用」。

有網民質疑男童家長輕心，「呢種路面咁複雜，父母冇理由自己過咗去對面先！命仔係自己，發生意外先賴地硬都冇用！」有人則直斥，「個阿媽有問題，唔拖住個仔過馬路，同埋隔籬就有個凹位畀人過馬路。」另有網民指，「呢個位真係設計好有問題，平時咁多人過都應該整番個黃波燈同條斑馬線畀人過，同提吓司機收油。」