政情：栽培後生仔 孫德基：躺平難解矛盾

孫德基話佢自己所理解嘅躺平主義，係對世事不滿嘅年輕人選擇用消極嘅方式搞對抗，其叛逆嘅心態更以有違社會期望為目的，之不過社會現實並非消極行為可改變。有跑步習慣嘅孫德基話，去年疫情最嚴重之時，佢都無選擇躺平，依然喺寶雲道練跑。佢話為防染疫，戴口罩跑步須作出適度調節，譬如每次練跑需將距離縮至6公里，速度稍慢以盡量將心率保持喺每分鐘125至130嘅區間。雖然跑步戴口罩感覺並不舒暢，但勝在可以鍛煉意志咁話。