政情：鄭松泰預告摺埋議辦 網民叫「找數」

成為「鄭已完」嘅鄭松泰，雖然關閉議員辦事處係遲早嘅事，但佢就講到因為租約關係元朗議辦將會於10月下旬結束。佢話該議辦已經開始貼貼紙，待整理手頭物資後，會安排同埋舉辦一次物資義贈日，希望幫到有需要嘅人，不過詳情就會稍後公布。

之不過，網民就好似唔受落喎。有人就話唔少區議員結業要賣嘢，而鄭就係送嘢畀人。唔知係咪話鄭嘅狀況唔夠區議員慘呢？另外有人重提鄭倒插五星旗，仲話佢曾經為衝擊立法會嘅人士「帶路」，都要搵佢「找數」，叫佢唔好走添。亦有人話要送佢兩打「藍店」西餅同佢慶祝喎。