政情：議辦關門大吉 蔣旻正六位數埋單

蔣旻正喺社交平台貼文，指自己近一個月來，忙於退還物資、清走家具雜物、將有用嘅物資送贈畀不同嘅團體、又與各大簽咗長年期合約嘅企業商討提前解約，佢話呢段時間忙到好多電話訊息都唔得閒回覆，之不過，結束辦事處嘅繁文縟節總算告一段落。儘管佢無詳細交代所花嘅費用，但大概六位數嘅支出先至叫做「甩身」，代價都唔少喎。

雖然蔣旻正話今後會全身而退，但佢提到辦事處嘅舖位歸還之後，將來唔知道會變成一個點樣嘅舖位。睇嚟蔣對於區議員生涯，仍然萬般不捨。