政情：初選案倘罪成 吳政亨預坐廿年監

網名「李伯盧」嘅吳政亨雖被邵形容係「素人」，對社運界唔認識、同政治人無交往，原來從事財經工作嘅吳同身邊朋友亦較少討論政治，不過吳係有份推動初選「三投三不投」運動並因此而被捕成為第5被告時，身邊人人都感到愕然。

邵仲引述吳話，由於自己處境特殊，若罪名成立，量刑由兩年到廿年都有可能。既然刑期難以預測，吳索性調整心態，坦然面對。

至於有關民主派初選案審訊進度方面，邵就話律政司須要喺下月9日將文件交到各被告手上，但會唔會又要延遲就真係未知之數喇。