政情：牢中快必想用消費券「炒孖展」

話時話，快必被控發表煽動文字、喺公眾地方作出擾亂秩序嘅行為同埋參與民主派35+初選涉違《港區國安法》等控罪，可以想像律師費嘅開支都唔少。

依家還押喺荔枝角收押所嘅佢，不時都收到外間寫畀佢嘅信。話說有人寫信問佢，想知道佢點樣用消費券。佢話叫阿媽攞去「炒孖展」，因為佢有好多條控罪，需要好多銀彈應付。但佢阿媽比較精明，指消費券款額唔算多，倒不如要嚟加餸「炆豬（月展）」或者「燉牛（月展）」，更加實際啦！

還押近一年嘅快必因喺收押所內黐信封，可賺取收入買零食。佢話最鍾意食某個牌子嘅餅乾，話頂肚餓一流。