政情：踎監黑雨免開工 陳皓桓睇戲頭暈

因前年10‧1非法集結案被判囚18個月嘅陳皓桓，依家喺大嶼山石壁監獄服刑。佢喺上個月22日寫嘅獄中信，話喺黑雨當日入石壁條路山泥傾瀉，而獄中電視接收器收唔到信號，收音機又唔可以離開監倉，搞到佢好似與世隔絕咁。

佢仲話因為坐監前經常飲酒，所以冇咁健康，依家喺獄中又做運動，不停飲水，早睡早起，仲用凍水沖涼，話皮膚好咗好多，成個人好似18歲以下咁，查實佢已經25歲。佢仲宣布正式開始學結他，但好怕痛嘅佢，話啲手指唔可以彈好耐，但為咗做結他王子都會盡吓力嘅，希望快啲彈到幾首歌。

最後佢話收到嘅信，好多人寫錯佢名，例如寫咗陳皓恆同陳浩恆，提醒咪再寫錯喎。