昔日東方政情：大埔交運會主席懸空 開會無期
大埔日前發生的士意外造成嚴重傷亡，多名區議員都極度關注事件，甚或有意喺區議會討論交通安全問題，該區議會轄下嘅交通及運輸委員會（交運會）原定喺下個月10日召開會議，但會議竟然要延期。點解？原因係委員會嘅主席同副主席職位都懸空喎。
黃兆健抽水：以為區會停擺
區議員黃兆健尋日喺社交平台貼文及上載一則區議會秘書處嘅通知，就係話因為交運會嘅正副主席都懸空，所以會議延期。佢就貼文自問自答，質疑既然冇主席，點解唔開會選主席？仲話「呢兩日發生咁多事，唔講以為區議會停擺。今日仲要通知延期交運會，確實係勁，直頭平行時空般。」
話時話，政府要求區議員宣誓，早前傳出「加辣」方案後，已有逾200名泛民主派區議員辭職，大埔區議會本來有21名議員，其中9人已辭職，而交運會有20名議員，包括前主席關永業同前副主席文念志等已辭任，都仲有11名在任議員，點解唔開會選咗正副主席先呢？若果一直正副主席懸空，係咪一直唔開會？唔通好似黃兆健咁講「Loop到2024」？即係呢屆任期屆滿？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
