政情：政府收緊防疫 袁彌明鬧黐線

Erica話改機票問題唔大，反而預訂隔離酒店就真係棘手，事關個個都想20日之前到港，結果度度都爆，而佢之前訂咗嘅隔離酒店竟然奇迹地仲有位，咁就梗係返咗香港先。之不過，有啲家庭就無咁好彩啦，依照目前隔離酒店嘅緊張狀況，隨時要10月先至返到香港。Erica又話上飛機前要做病毒檢測就係另一個難關，由於機場方面已經額滿且檢測需時，結果佢要到巴黎巿外做，但幸好都仲趕得切，但一返到香港則面對另一場苦難。Erica話機場人手唔夠，去酒店專車唔夠，以致佢由步出機艙去到酒店，就用咗8個幾鐘。

Erica直斥港府收緊防疫，短短幾日就生效，真係玩死好多人，而21日酒店隔離亦係全球最嚴，早已為人所詬病，又指當局因一單半單輸入個案，防疫政策就行番回頭路，黐線到無人有咁話。