政情：建制派評分全線下跌 陳恒鑌梁志祥墊底

香港研究協會喺7月28日至本月17日訪問大約1,000名市民，喺議員評分方面，議員梁志祥同陳恒鑌並列最低分，只係得1.94分。除咗同屬新界西議員，兩位好兄弟仲有另一個共通點，就係同屬民建聯議員喇。

香港研究協會分析，所有政團以及議員嘅評分都徘徊喺1.84至2.55分之間，遠低於3分嘅一般水準，仲大約有七成政團同議員評分較舊年12月調查有所下跌，反映普羅市民對佢哋嘅表現仍然未感滿意。協會提到立法會會期將於10月結束，促請各位議員喺餘下任期繼續克盡己任，發揮議會職能，把握時間審議各項惠港利民嘅議案，積極改善市民對議會嘅觀感啊。