昔日東方政情：李家偉冇BNO 流亡英國生計不保
政圈中嘅泛民主派人士接二連三咁離開香港，今年3月流亡英國嘅屯門前區議員李家偉，由於佢冇俗稱BNO嘅英國國民（海外）護照，所以喺英國逗留將近半年都未有正式嘅居留身份，就連生計都成問題。
話想盡辦法盡快「回家」
李家偉喺英國接受訪問時提到，自舊年11月開始發現被人跟蹤。佢見到警方大規模拘捕參與泛民「35+」初選人士，官方媒體亦開始攻擊佢，令佢意識到有危險而決定離開。佢話初抵達英國嘅大約兩個月住喺「家長屋」，即係支持民主派嘅海外香港人家庭。佢亦一直嘗試喺英國定居，不過發現由於冇BNO護照，而未有正式嘅居留身份，只可以暫時視自己為流亡手足嚟幫助其他人。
李家偉話現時想做嘅事係盡一切方法，令自己可以盡快回家。佢話眼見朋友入獄，覺得慚愧同內疚，又覺得自己可以選擇留低或者離開香港都係一件好奢侈嘅事喎。唔通李家偉諗緊方法返香港？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
