政情：徐英偉話要細緻啲 區議員宣誓又推遲

徐英偉被傳媒追問，係咪最快下月可以安排區議員宣誓，佢就話答唔到大家，因為今個月尾可能要前赴東京出席殘疾人奧運會，之後返港就需要隔離。佢又話負面清單已經寫得好清楚，冇搬龍門、亦唔使修訂，好容易辨識當中危害國家安全行為等。不過佢話唔少區議員都係因為私人理由辭職，兩者唔應該混為一談喎。

徐又批評部分區議員嘅表現，話自上任時已經接觸區議員，希望佢哋務實咁服務市民，不過回望過去一年區議會幾乎無法運作。佢強調政府以行政為主導，唔可以因為出現不合作運動或者過度政治化操作，令政府癱瘓。即使區議會效率好差、政治化，都會確保政府繼續運作，唔會因為一個諮詢架構唔運作而受影響。