政情：范國威 鐵窗歎啡耐熱力增

前議員邵家臻尋日去探望Gary之後，話佢由原本唔願食私飯，到依家食私飯，主要原因係透過食私飯，可以同社會保持聯繫喎。

之不過，食私飯點樣同社會保持聯繫呢？莫非好似傳說中月餅藏紙條嘅做法？呢方面邵就無詳細說明喇，佢只係話唔好小覷一杯咖啡奶茶，都可以令Gary產生日常生活嘅感覺喎。

至於點打發時間，邵話Gary喺下晝同晚上，會隨着天氣同溫度而影響心情，但幸好Gary近日獲懲教發放冰巾一條。雖然冰巾放上膊頭或放喺心口，有機會滴濕條褲，但已經比水喉滴濕全身好得多，焗熱隨着水珠揮發，加上還押日子長咗，個人耐熱程度亦增加，況且已經立秋，三者加埋令荔枝角監房嘅酷熱問題稍有改善。