昔日東方政情：陳梓維被走數 眾籌20萬實收2000元
好多辭咗職嘅前區議員都諗盡辦法「續命」，好似油尖旺前區議員陳梓維咁，早幾日發起眾籌20萬港元作為營運議員辧事處開支，最終眾籌失敗，仲畀人「走數」添！話時話，佢原本係眾籌20萬元，依家實收僅2,000蚊，相差99倍。
話睇清身邊啲人
陳梓維尋日喺Facebook貼文，話兌現眾籌失敗嘅諾言，將籌得嘅款項全數捐出，仲貼出轉收紀錄作證，原來只有2,000蚊。點解？佢貼文話有個人捐近9,000蚊，但嗰個人並冇入數。就因為咁，佢眾籌嘅款額再跌。
收到呢筆捐款，佢話本來想打千字文感想，但唔想畀人話刷存在感喎，但今次事件就佢睇清身邊啲人嘞！
話時話，佢早幾日發起網上眾籌，話要喺24小時內籌得20萬元嘅目標，作為延續議辦嘅營運開支，當時已畀網民插爆，鬧佢係咪以為所有香港人都係弱智？亦有人問呢啲算唔算係網上騙案？由於眾籌失敗，佢就話難敵天意，相信8月31日係佢最後為大家服務嘅日子嘞！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
