昔日東方政情：還押仍緊貼東奧 趙家賢翻穆家駿舊帳
前民主動力召集人、東區區議會前副主席趙家賢，因組織同參與去年民主派35+初選，涉違《港區國安法》被控串謀顛覆國家政權罪被還押。話說有前區議員早前探過佢，提起民建聯穆家駿「強烈譴責」波衫事件，趙仲翻穆嘅舊帳添！
斥胡亂批評港運動員
港隊羽毛球「一哥」伍家朗早前出戰東奧男單分組賽時，着咗冇印上區旗嘅黑色球衣，穆家駿喺社交網站「強烈譴責」事件，卻反被各界批評，穆最終發表聲明，承認當日發表評論的語氣有點過重，對此表示歉意。
話說有東區前區議員早前去探過趙家賢，事後喺Facebook貼文，話趙都有聽收音機，知道港隊喺東京奧運拎到獎牌，感到好興奮，但講到穆家駿事件就好勞氣，仲加把嘴話穆係2019年區議會選舉愛群選區民主派嘅敗將，批評穆喺奧運舉行期間，胡亂批評香港運動員，係為香港添煩添亂。
呢個前議員仲話，趙知道佢對辭職一事耿耿於懷，所以想開解佢添！但佢本身心情已平復咗嘞！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
