政情：進軍餐飲零售 連番損手 唔係做生意材料 梁志祥「認命」

日前祥哥出席一個有關青年創業大賽嘅宣傳活動，期間佢憶述自己廿幾歲就同朋友合資經營外送餐飲服務，話每當接到客人落嘅柯打，就會按對方嘅要求炮製菜餚，然後再送到客人所指定嘅地點，不過呢盤生意只維持咗兩年，就因拍檔管理不善而結束。祥哥第二次創業就改為進軍零售範疇，經營文具店，但可惜都係做咗兩年左右就黯然結業，祥哥事後檢討，指當時嘅辦公室正邁向電子化，傳統文具嘅需求不復殷切，退場止蝕都算係正確嘅決定！

雖然一再失敗嘅創業經驗，令祥哥打消做生意嘅念頭，不過佢寄語有意創業嘅後生仔，創業需有周詳計劃，講求意念創新、產品或服務要有市場潛力、以及投資回報。