昔日東方政情：食署出動清潔龍 貶低土法滅鼠
滅鼠除咗放鼠餌，亦有人利用手頭物件自製捕鼠器，低成本又有效。不過呢啲咁有創意嘅捕鼠陷阱，食環署虛擬清潔香港大使、清潔龍阿德就唔係咁欣賞啦，尋日佢就透過社交平台發表「家鼠墮情網、溝鼠在網外看」嘅理論，指網民嘅土炮捕鼠器只能針對某類老鼠咁話。
稱溝鼠對陷阱戒心高
清潔龍話網上流傳一啲自製老鼠陷阱嘅短片，睇落真係幾有效，但點解唔多見到有人採用呢？其實會墮入呢種陷阱嘅老鼠通常都係鍾意匿喺啲室內狹小嘅地方、又比較八卦嘅「家鼠」，而經常喺街上出現嘅老鼠品種為「溝鼠」，警戒心極高，所以呢種陷阱對佢哋係無咩（口架）！
食環署試過好多方法滅鼠但成效不彰，照清潔龍「家鼠墮情網、溝鼠在網外看」嘅講法，似乎係暗指署方滅鼠要先搞清楚品種喎！不過無論咩老鼠品種都好，食環署執迷不悟，搵化身死撐，又點做好滅鼠工作呢！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
