政情：傳深水埗屯門區會主席人選爆爭議 兩區議員退出民協

覃德誠當選區議會主席後揚言會將主席大部分嘅薪酬用作支援有議員辭職嘅「白區」，同埋繼續聘請職員直播會議，佢仲強調要守護議會同民主派嘅基本尊嚴。

據稱，民主派在協調區議會主席人選起爭議，導致有區議員退出民協。而喺選舉主席後，深水埗區議員麥偉明喺社交網站宣布已退出民協，但係咪同選舉主席有關就不得而知。但麥就話已用現有嘅有限資源，將服務擴大至已辭職議員服務嘅區域，日後會以獨立身份繼續服務街坊，希望大家體諒。

實際上，早前屯門區議會選舉區議會主席流會收場，傳聞民協嘅區議員江鳳儀亦有意競逐區議會主席一職，但最終因協調不果，早前亦提出退出民協。翻查區議會網頁，江鳳儀已刪除民協嘅政治聯繫。