昔日東方政情：林順潮轉讀眼科 同窗嚇親：唔似咁懶
環顧亞太地區，香港眼科屬於高水平且發展蓬勃，並有「金眼科」之譽。不過，眼科專科醫生林順潮日前出席一個訪談節目中就提到，香港昔日眼科技術相對落後，唔太受醫科生青睞，醫科生一般都係揀選當時最渴市嘅內、外、兒、產、婦科嚟修讀，而佢本來亦向兒科發展，後來有同窗知道佢「轉跑道」攻讀眼科，好驚訝咁話「你唔似係咁懶o架喎！」
點解會咁講呢？林順潮話由於眼科急症較少，主要係做門診，工作相對較輕鬆，所以會形成喜歡從容閒適嘅人先至會選讀眼科嘅印象。佢話過去嘅眼科，只屬於外科下嘅一個小組，而初時打算投身兒科嘅佢，眼見好多小朋友罹患頑疾無法根治，反而外科就可以替病人開刀做手術割除壞組織。
手腳靈活 啱晒「開刀」
林順潮又話自己擅長球類運動，手腳靈活，覺得自己做外科醫生「開刀」可以發揮得更好，而當時醫用激光開始獲得應用，又有唔少眼科診所陸續開設，佢見有需求兼且具有發展潛力，於是決定「轉跑道」攻讀眼科。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
