昔日東方政情：港台立立亂邀加盟 馬浚偉捱義氣硬啃
年花10億元公帑嘅香港電台（港台）多年嚟立立亂，外界狠斥節目立場偏頗促港台改革。自廣播處長李百全上任後，港台多個節目即被抽起，更頻頻出現人事調動，其中藝人馬浚偉就出任港台創作總監。佢早前喺一個訪談節目上就大爆，當時收到港台邀請時，就心諗「你搵我嚟搞啊？」睇嚟港台呢個燙手山芋真係嚇怕好多人喎。
佢喺節目上透露，當時新任港台顧問（節目）何重恩邀請佢擔任創作總監，之但係佢第一個反應唔係開心，而係覺得當時人人都鬧緊港台仲想佢加入，心諗「你搵我嚟搞啊？」不過，佢之後就解釋，因為自己多年嚟都有觀看甚至有份主持港台節目，對港台有份感情，所以就應承咗出任呢個崗位。
冀公眾予時間改善節目
對於外界有唔少聲音要求港台改革，佢就話如果公眾對港台節目有不滿，希望可以畀番啲時間佢哋，強調「有則改之」，應交由港台自行決定改革工作，強調值得保留嘅嘢都要保留喎。
雖然係咁講，之但係港台話晒都係公營機構，問題累積咁多年，改革工作絕對唔可以怠慢啊！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
