政情：放假帶外母歎鮑魚 何栢良樂做柴可夫

原來何栢良嘅外母近日有啲小問題要做手術，當日下午要去診所覆診，所以何就攞假做司機，睇完醫生再直落去食晚餐。佢又話疫情關係長者都好耐無得出街食飯，所以咪趁機會帶外母去食好嘢囉，外母仲好開心用錄音同其他家人分享節目啊！

佢仲話，其實佢已經成年都無放過假，所以見近日疫情穩定咗，咪清吓假期囉！再加上今個月拎咗消費券，出去振興吓經濟都好嘅。