政情：旅業雖冰封 放寬防疫忌盲從 黃進達：與病毒共存香港行唔通

黃進達話香港雖然係國際都會，同西方國家有好多往來，但地緣上，香港同澳門及內地嘅關係始終較密切，只要內地維持「清零」一段日子方可恢復通關嘅目標，香港就算仿效人家嘅做法都無用。況且放寬防疫限制嘅西方國家，其決定係基於自身條件，香港情況不同就無謂跟從啦。黃又話旅遊業嘅艱難時刻的確好漫長，唔少行家只能靠開辦本地遊勉強維持，但礙於組團人數、以及交通工具乘坐率嘅限制，組本地團嘅利潤非常微薄。至於停薪留職嘅旅遊業從業員，好多都轉至其他行業謀生，但黃強調大多數人都期盼重操故業嘅一日。