政情：寵物公園唔夠用 陳克勤倡劃時段解困

陳克勤話明白到，的確係有唔喜歡小動物或懼怕狗狗嘅市民，而香港地方又好細，未必做到每個區都有一個獨立嘅寵物公園，如果搵唔到地方去開一個新嘅寵物公園嘅話，佢建議喺現有嘅公園之下，撥出某啲地方，喺限定時段之內容許動物或狗隻入內做吓舒展運動，主人又可以同寵物跑吓玩吓，咁就可以同一個公園，大家都能共享共用，唔使好多額外資源都可以做到。