政情：陳梓維有新工 網民關注英語運用

話說陳梓維上星期六喺社交平台公開搵工，話咩方法都試，當時多數網民都介紹佢去快餐店求職、送外賣等。陳一直更新佢嘅搵工狀況，喺日前分享佢出發去搵工，有其他前區議員仲幫佢打氣。話咁快喺尋日就宣布終於有工返，好多網民八卦想知佢返咩工，不過陳都冇開估，仲有人話日後有咩好嘢記得帶挈吓大家喎。

陳梓維一早自爆自己會考零分，上任初期仲要求助理應徵者嘅學歷唔好高過佢，因而引起市民熱話。所以今次佢見工成功，都有網民關注新工需唔需要用到英文啊。