昔日東方政情：張錦雄拒劈炮 盡用區議員醫療福利
大批泛民主派區議員被傳出嘅宣誓「加辣方案」所嚇怕，早前觸發辭職潮。而留低嘅區議員大多都話想喺有限嘅空間繼續為市民服務，不過屯門區議員張錦雄就非常坦白，話因為善用區議員醫療福利，所以冇選擇辭職喎。
跑步心電圖異常
張錦雄喺社交網站分享佢穿上病人袍嘅自拍照，提到上個月嘅全身檢查報告出爐，發現佢嘅跑步心電圖數據有異常，醫生建議佢進行冠狀動脈造影檢查，希望最終冇事。網民就留言話「無事、無事，唔好嚇自己」。
話時話，張錦雄並冇跟隨辭職潮，佢喺貼文中話自己係末代區議員。佢更加披露因為預約咗進行身體檢查，令佢有時間睇定啲，最終冇辭職，話係善用區議員醫療福利喎。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
