政情：還押壁屋食私飯 鍾翰林增磅10公斤

邵家臻到壁屋監獄探鍾，指鍾有食私飯，雖然話食私飯嘅環境好麻麻，有時一人一倉，有時就兩三個人一個倉，但食私飯都令到鍾增磅，由以前嘅50公斤增加到60公斤。其實鍾就無磅過重嘅，但鍾自己覺得增咗磅咁囉。鍾又同邵講，依家時勢好險惡，話希望大家不如放下是非，多啲團結，多啲做實事好過喎。

鍾翰林涉嫌於網上發布煽動他人分裂國家的資訊，並且處理逾70萬港元被指是犯罪得益嘅眾籌款項，因而被控一項違反《港區國安法》分裂國家罪、一項串謀發布煽動性刊物罪以及兩項洗黑錢罪。案件今年6月喺區域法院提訊，法官將案排期至今年11月2日開審，預料審訊需時7天。