昔日東方政情：球衣風波 穆家駿惹質疑 教聯唔處理投訴
香港羽毛球「一哥」伍家朗早前出戰東京奧運男單分組賽時，被身兼民建聯成員嘅教聯會副主席穆家駿貼文「強烈譴責」，話伍比賽時身穿嘅黑色球衣冇印上香港區旗標誌，事件引發社會爭議。教聯會會長黃均瑜尋日回應事件，話會方收到唔少投訴，被問到會點樣處理事件，佢話「我哋唔會處理佢㗎，點解要處理佢？」強調穆已道歉事件應告一段落。
「穆被批鬥更嚴重」
伍家朗喺第二場分組賽無緣晉級，賽後承認心情曾受事件影響，令球衣風波爭議持續。黃均瑜尋日話教聯會內部曾作初步討論，認為穆作為「發現問題嘅人」，留意到有一啲事情「不妥當」而發聲。佢認為穆要求伍退出嘅言論係過於激動，但經過2019年「黑暴」事件，認為公眾反應強烈係「顏色嘅問題」，更指同伍家朗相比，穆家駿被「批鬥」得更嚴重。
黃又強調原本「黑色無罪」，只係喺香港嘅語境下，有人對「黑色」有情感連結。被問到佢屋企有冇黑色衫，佢話個人有黑色西裝，但日常盡量避免着黑色衣服。至於運動員比賽時係咪唔應該着黑色衣服，佢就話要交由唔同人士解讀，認為唔同人有唔同嘅感情投射。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
