政情：東海航空河南賑災捐100萬人民幣及百萬元機票

內地河南省連日暴雨災情嚴重，其中省會鄭州市嘅洪汛險象更牽動全國人民的心。為體現企業擔當，積極為災區人民提供援助，由黃楚標出任董事長嘅深圳東海航空尋日發布公告，表示準備聯同相關慈善機構，為災區重建以及向弱勢群體伸出援手，提供必要同及時嘅幫助。東海航空將向河南省紅十字會捐獻100萬人民幣（約119萬港元），用於援助災區弱勢群體，雪中送炭、濟困解厄。

派專人全天候協助

除捐款外，東海航空為提升救援效率，將會提供百萬價值嘅機票產品，由河南省紅十字會根據援助、援建嘅需要預定出行，東海航空亦會委派專人一星期7日24小時對接，以保障援建援助隊伍嘅快速高效行動。

一方有難八方支援

正所謂一方有難、八方支援。東海集團所有員工為響應今次善舉，積極踴躍為災區人民獻出愛心，將於今日舉行捐贈儀式，所有捐贈款項將聯合河南省紅十字會，會及時轉送畀急需幫扶嘅人群手中。