政情：何致宏抑鬱離場 避走英國偷安

何致宏喺社交網站發布獨照，佢首先為自己辭任區議員再次向街坊致歉。之後提及自己喺過去受到持續恐嚇，每日都活喺巨大壓力之中。幸好現時已經身處海外，佢同家人嘅情況已經較為安全，持續服藥亦令病情有所改善。何又話自己永遠都係香港人，亦以身為香港人為榮，佢會繼續喺英國同各位香港人一齊努力，希望有一日可以喺香港團聚喎。

話說何致宏喺5月份公布辭任決定，佢當時提到喺現今環境下進行政治工作需要承受極大嘅壓力，而軟弱嘅佢因而患上情緒病，需要暫時離場啊。