昔日東方政情：區會議事檔案堆積如山 民政懶理
18區區議會歷年來累積咗好多議事檔案，估計堆積如山嘅檔案，加加埋埋達108層樓咁高！有區議員就提出政府要做好檔案電子化，但當局就話要視乎市民查閱資料嘅需求，以及審視人手同資源。本報向民政事務總署查詢，所得嘅回覆都係差唔多，換言之都係懶得做。
電子化無影 任文件繼續堆
咁多檔案，究竟當局現時如何處理，文件主要放置喺邊？民政回覆指，會根據政府檔案管理嘅行政指引，管理有關區議會嘅檔案。一般嚟講，檔案會存放喺各區民政事務處、民政事務總署或政府檔案處。
至於會否將有關檔案電子化，署方同樣回覆話會密切留意相關需求，並適時檢視檔案管理措施，例如檔案儲存方式、檔案存廢，以配合運作需要及市民查閱資料需求咁話。咁講法，即係無論堆積幾多層樓高，政府暫時都係懶得做，無諗住善用電子化啦。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
