政情：壓力爆煲 劉其烽辭任北區區議員

佢又話喺近年嚟一直堅持向目標進發，無論北區交通、環境等，不斷追求更好，希望令北區人會以居於北區為榮同為樂，又話「這些日子，我覺得大家才是『真正的區議員』」只要市民繼續保持初心，北區一定會變得更好。

劉其烽曾經係民主黨成員，於2018年底退黨，而喺2019年加入新民主同盟，而新同盟亦喺早前宣布解散。

另外，喺舊年九龍灣麗晶花園爆疫期間，時任區議員畢東尼因身處英國未能返港協助居民而畀人鬧爆，及後更因健康理由辭職及宣布退出香港政壇。佢前日就分別喺Facebook貼文同WhatsApp中發短訊，話佢「正在歸途，與家人團聚」，又指斷捨離、家庭係人生中最重要嘅一環，並附上喺香港機場離境大堂揮手道別嘅相片。