政情：流亡英國照唱衰香港 學者斥羅冠聰國際騙子

羅冠聰話屈指一算，離港已逾一年，期間目睹戰友被捕，甚至身陷冤獄，香港局勢變得更壞。而自己身在海外，能力所及就係聚焦國際討論，令各國外交政策將香港議題置於更高順位，採取更強硬嘅對華政策。羅又指未來5年將有高達30萬港人移居英國，如何協助港人融入英國社會，同時更有效咁延續同保護自身文化、身份認同等係佢未來工作重點咁話。

香港理工大學專業及持續教育學院講師陳偉強就批評羅係國際騙子，勾結境外勢力、抹黑國家及特區政府，按現行法律雖然無可奈何，但其言論對國家及特區並無任何影響，陳又質疑羅置身英國嘅日子唔長，但以專家自居，奢言幫助移居英國嘅港人，可悲又可笑。