政情：無立法強制佩戴 議員斥荒謬 巴士上層設安全帶淪裝飾

為保障乘客安全，現時好多載客車輛都有裝設安全帶，但都要乘客肯扣上安全帶先至奏效。2018年大埔公路發生嚴重傷亡嘅巴士翻車意外，檢討委員會其後建議運輸署成立專責巴士安全小組。而立法會財務委員會尋日就通過在運輸署開設職位領導小組，期間議員田北辰指出小巴司機唔想「做醜人」，執法又「唔嗲唔吊」，唔少乘客都漠視扣上安全帶嘅法例。至於現時新出廠嘅巴士上層座位已裝設安全帶，但現行法例並無要求乘客佩戴，直言「仲荒謬，邊個會戴」。