政情：料市民唔止使$5000 梁兆基：消費券好過折現

消費券對經濟嘅提振作用究竟如何？梁兆基解釋，因應疫情遊客無法來港消費，派發消費券以刺激本地消費市道，既可幫助商舖，且對經濟有提振作用。況且市民為咗使用消費券，額外支出實難避免，故相信派5,000元電子消費券畀市民，最終消費額係唔止5,000元，呼籲市民盡量使咗佢。為助長消費券對內部經濟嘅連鎖效應，商會同時間會有其他優惠，又希望其他商舖亦可以為消費者提供多啲優惠。

至於梁早前曾認為「折現」較派發消費券更好，佢坦言市民需求各不相同，有啲覺得要使咗佢，有啲就想袋住，但由於政府派消費券嘅初衷係振興本地經濟，希望多啲人使錢，所以喺呢方面來講，消費券刺激作用會比較大，若「折現」的話，所得嘅現金就未必全數用於商業消費。