政情：藉《蘋果》停運指手畫腳 肥彭陰魂不散 被轟刷存在感

肥彭喺訪問中提到，港英時代支持北京嘅兩份報章，屢「出版謊言誣衊政府」，但港英政府喺「自由社會的生活」下並沒有嘗試關閉呢兩份報章，又稱《蘋果日報》停運反映北京對香港自由、法治、言論自由等價值感到恐懼，又指港府聽命中央行事。外交部駐港特派員公署發言人回應話，任何個人同機構不得藉新聞自由之名，行危害國家安全、破壞社會穩定之實，西方政客應立即停止以任何藉口干預香港事務。

香港理工大學專業及持續教育學院講師陳偉強，直斥彭定康比喻失當，稱《蘋果日報》呼籲市民參與違法集會及遊行，文章涉勾結境外勢力、顛覆國家政權等內容，港英政府年代嘅報章並非有同樣情況。陳又狠批肥彭對香港事務指手畫腳，因為佢喺英國嘅政治角色退卻，對香港事務大放闕詞只不過意圖吸引媒體注意。