政情：徐子見交還議辦 拆招牌留念

話說徐早前向民政事務總署署長謝小華遞信辭任區議員，即日生效。佢喺致街坊的信中表示，已被還押一段時間，無法履行區議會職務，難以兌現服務市民嘅承諾，所以決定辭任區議員。佢當時又話離開議會係情非得已，懇請市民見諒。

其實徐嘅區議員辦事處早前已準備遷出，佢嘅前助理之前喺社交平台貼文，將辦事處裏面嘅二手家具同物資轉贈畀街坊。今次街坊就同佢嘅前助理幫手拆個招牌，仲話會留番畀徐嘅屋企人。雖然徐冇咗個區議員席位，不過都仲有塊招牌可以留作紀念嘅。