笑看天下:大學校長撥亂要加把勁
日前公布嘅最新「世界大學學科排行榜」,本港上榜嘅7所院校當中,4所排名均下跌,有些更跌到四腳朝天,好肉酸!呢,香港科技大學跌出排名首30位,由去年嘅27位,跌咗7位至34位,香港城市大學則由去年48位下跌5位至第53位。跌得最甘嘅則係香港浸會大學,由去年嘅264位,下跌咗23位至今年嘅第287位,可謂慘不忍睹!
儘管有論者不認同呢啲所謂「排位」,之不過,事實勝於雄辯,香港嘅專上教育,自黑暴以來,不但「教授不似教授」,而大學生熱衷搞政治多過搞學術做研究,不愛圖書館愛上街甚至瞓街,「大學生又不似大學生」,早已冇「教學相長」呢支歌唱,「所謂大學,非謂有大樓之謂也,有大師之謂也」!
當今,何處覓「大師」?「妖師」倒處處可見!難怪有研究教育政策嘅團體,指過去兩年不少大學教職員積極參與,以至推動學生參與社會動亂,質疑佢哋將心力花在教學及研究以外嘅地方,從而影響教研質素,認為佢哋應「退休讓賢」!事實正是如此,七、八十年代,歲月靜好,大學少,也難考!考得入去嘅天之驕子,鮮有不努力求學問!正正就是要珍惜大學生活,一心只想「學成文武藝,貨與帝王家」!
老朽當年隔壁的大學生,只見他書不離手,同鄉有喜事請飲,也只見他去飲都揸住本書!床頭也堆滿書,如今這樣拚搏上進的大學生,恐怕已如鳳毛麟角!正如胡適所言「天下沒有白費的努力」。佢後來得到獎學金,在美國哈佛留學,成績優異留校任教,成為名教授!香港中學文憑試將於下月21日放榜,今年升學嘅情況出現外流現象,除了英加澳之外,到內地升學嘅比例亦有所增長,反映本港大專教育已令部分考生冇乜信心,情願轉軚到外國或內地尋找理想!黑暴曾令校園容不下一張書桌,各大學校長要撥亂反正,看來非加把勁不可!
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500