政情:數碼港擴建撥款通過 被轟淪地產項目
數碼港計劃融資50.25億港元進行擴建,包括由政府注資38.34億港元,並為11.91億港元商業貸款提供擔保。立法會財務委員會尋日以舉手形式通過撥款申請,但會上多名議員質疑數碼港過去淪為地產項目,又批評當局文件內容過分簡單,「起個寫字樓(得)一張圖,50億喎講緊」!
議員斥當局文件內容太簡單
建築、測量、都市規劃及園境界議員謝偉銓就話,當局最初遞交予財委會嘅文件內容太簡單,就擬建嘅辦公室大樓只係提供一張圖,幸好政府同數碼港前晚(10日)提供更多概念圖,否則作為議員都唔知點樣去審議。創新及科技局局長薛永恒發言時提到,好多初創企業一直希望進駐數碼港,但因空間所限而未能成事,又強調擴建後收益可達32億港元。
之不過,旅遊界議員姚思榮就反駁,舉例指地產項目亦可為香港帶來收益,批評當局說詞過分籠統,強調「呢個係50億嘅錢,唔係50萬嘅錢」。另一議員葉劉淑儀亦批評,當局視擴建計劃恍如地產項目,只交代租得好、唔夠用,批評當局並無就創科事宜提供更多資料。
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500