政情：停開泳池泳灘 扮請夠救生員 陸頌雄嘲民政局「數學天才」

話說民政事務局前日回應Michael嘅書面質詢時，提到現時季節性救生員有265人，聘用人數佔基本需求81%。Michael尋日喺社交網站以「民政事務局果然係數學天才」為題，踢爆有關當局削足就履、自欺欺人嘅伎倆！Michael話局方條數望落雖然好靚，不過實情係康文署玩弄數字遊戲，以防疫為由停開部分泳灘同泳池，喺正常情況下應該要招聘800幾名季節性救生員，依家只係得三成季節性人手咋！

Michael認為康文署於疫情下，應該開放所有泳灘同泳池，以分流泳客、保持社交距離。佢質疑減少開放目的係想做靚條數，而並非解決根本問題。佢提到為救生員進行職系檢討屬刻不容緩，應該改善待遇增聘人手啊。